هو ده الفكر الجديد

    وضعت منظمة الشفافية العالمية مصر رقم 70 من بين 163 دولة عام 2006 في مؤشر الفساد .
   أما في عام 2007 فقد أصبحت مصر في المرتبة 105 من بين 180 دولة علي مستوي العالم .
وأعلن الدكتور عبدالعزيز حجازي رئيس مجلس الوزراء الأسبق ورئيس الاتحاد العام للجمعيات الأهلية أن ترتيب مصرفي التنمية البشرية 120 علي مستوي العالم بينما ترتيب إسرائيل رقم 20

تييييييييت

سكريبت

 إيهاب الدسوقي واحد من الضربشمساويين التقال قوي في الدستور ..
  طبعا تحت قياده المايسترو الكبير خالد كساب ..
  والمايسترو الأكبر ابراهيم عيسى .

الحب على عتبه العشم 

المشهد الأول :

" يظهر بدر في حجرته و يتحدث في الهاتف "
بدر : قوليلي يا سالي .. أجيب بلاط شقتنا مزايكو ولا سيراميك ؟!
سالي : المزايكو أوفر .. و أهو كله بينداس عليه .
بدر : " بصوت عالي "  لا ما يهمكيش الفلوس .. دا أنا فييس حقيقي و اللي في جيبي في إيدي .
الأب " من الخارج " فاتوره التليفون 500 جنيه يا بغل .
بدر : " يغلق السكه بسرعه " مش أنا اللي طالب !!

المشهد التاني :

"يضع بدر كارت للاتصالات في كابينه عموميه فتظهر تعليمات  " باقي من رصيدك أربعه قروش تكفي لثلاث كلمات و حرف جر .
بدر : " يطلب رقما " سالي أنا بكلمك من ...  " ينقطع الاتصال "
انتهى رصيدك .. من فضلك اسحب الكارت و مزقه أربع تربع .. أو ابتعد قليلا ، فسوف  تنفجر الكابينه أوتوماتيكيا ..

المشهد التالت :

" يظهر بدر أمام محل سنترال مغلق بعد منتصف الليل  .. يلتفت يمينا و يسارا ثم يخرج من جيبه عده مفاتيح محاولا اختراق القفل "
بدر  : " يشعر بيد تربت على كتفه فيظهر طفل صغير يتأبط كره قدم " إيه اللي مصحيك لدلوقتي يا حبيبي ؟
الطفل : عامنفخ الكوغه .
بدر : إنت بقك مقلوب ولا ألدغ في عشرين حرف ؟
الطفل : عايز أمفخ الكوغه .
بدر : غور ياد من هنا بدل ما أخبطك أخليك تتكلم بالتشكيل .

المشهد الرابع :

" يخترق بدر القفل و يدخل السنترال "
بدر : " يطلب رقما " أيوه يا سالي .. ما كملناش كلامنا .. عايزه السخان غاز و لا كهربه ؟
" يفاجأ برجل يفتح الدكان ويدخل "
الرجل : عايز أكلم أختي زينب في سوريا .. ابنها بلع تي شيرت .
بدر : ابن خالتي برضه بلع جنيه فضه ، بس نزل خمسه و تسعين قرش .
الرجل : كده يبقى فاضل شلن .
بدر : ما كانشي فيه فكه نزل بداله مشط كبريت .

المشهد الخامس :

" يظهر بدر و هو يبحدث مع سالي ، و تظهر الكبائن كلها مشغوله بالزبائن .
صوت من كابينه : هترجع إمتى م السعوديه يا بو أيمن ، بقالك سبع سنين بتعمل عمره .

المشهد الأخير :

" في قسم البوليس يظهر بدر أمام الضابط "
بدر : " للضابط " حضرتك القانون بيديني حق مكالمه .. ممكن اتصل بسالي ؟!!

قطع .

الله يجازي اللي كان السبب

عمر سافر



و قبله أحمد و سامي و خالي و خالتي و و و ......
الله يجازي اللي كان السبب ..
اللي طفش الناس من بلدها ..
بقت أمنيه أي شاب فيكي يا مصر إنه يجيله عقد عمل في الخليج ..
ده غير اللي بيحاولوا يطفشوا لاوروبا حتى لو عرضوا حياتهم للخطر ..
يا راجل يا ظالم الحكومه تعمل ايه  ؟!! ..
احنا بلد مواردها محدوده ..
هنجيب منين نصرف على كام و سبعين مليون بق مفتوح ..
اللي عاوز يسيبها مع ألف سلامه  ..
الباب يفوت أي حاجه ..
بس بشرط برضه .. هو احنا هنسيبكم بالساهل ..
ده انتم رايحين تجيبوا فلووووووووووووووووس ..
لازم قبل ما تسافر تطلع تصريح سفر ..
و تطلع تصريح عمل ..
أما روحك فما تقلقش ..
احنا اللي هنطلعهالك .

سقوط صوره.. عقبال الأصل

أنا مش مصدق عنيّا ..

فيه ناس كده ..

حد بيكره الزعيم القائد الملهم ..

اللي خدنا كاس الامم في عهده 3 مرات..

واللي عملنا كباري وطرق بطول مصر ..

ناس مش عاوزه تعترف إن بلدنا بتتقدم بيهم ..

بالحزب الوطني و بس ..

البلد بتتقدم ..

ومعدلات الاستثمار في تزايد ..

بس الناس ما بتحسش ..

ما هو الموضوع عاوز وقت عشان نتايجه تظهر ..

عدى 26 سنه بس ..

اصبروا ..

تييييييييت

صور لاضراب 6 إبريل و أحداث المحله

من برنامج الطبعه الاولى دريم

8 أبريل

نقلا عن الصحف المصريه

فنجان قهوه

تقول القصه أنه وقف البروفيسور أمام تلاميذه..

ومعه بعض الوسائل التعليميه..

وعندما بدأ الدرس ودون أن يتكلم..

أخرج عبوه زجاجيه كبيره فارغه..
وأخذ يملأها (بكرات الجولف)
ثم سأل التلاميذ..

هل الزجاجه التي في يده مليئه أم فارغه ؟
فاتفق التلاميذ على أنها مليئه..

فأخذ صندوقاً صغيرا من الحصى..

وسكبه داخل الزجاجه ..

ثم رجها بشده حتى تخلخل الحصى..

في المساحات الفارغه بين كرات الجولف..

ثم سألهم ..؟

إن كانت الزجاجه مليئه ؟

فأتفق التلاميذ مجدداً على انها كذلك..

فأخذ بعد ذلك صندوقاً..
صغيراً من الرمل..
وسكبه فوق المحتويات في الزجاجه..

وبالطبع فقد ملأ الرمل باقي الفراغات فيها..

وسأل طلابه مره أخرى..

إن كانت الزجاجه مليئه ؟
فردوا بصوت واحد..
بأنها كذلك ..

أخرج البروفيسور بعدها فنجاناً من القهوه..
وسكب كامل محتواه داخل الزجاجه..

فضحك التلاميذ من فعلته..

وبعد أن هدأ الضحك..
شرع البروفيسور في الحديث قائلاً :

الآن أريدكم أن تعرفوا ماهي القصة..

إن هذه الزجاجه تمثل حياة كل واحد منكم..
وكرات الجولف .. تمثل الأشياء الضروريه في حياتك :

دينك ، قيمك , أخلاقك ، عائلتك , أطفالك ,
صحتك , أصدقائك.

بحيث لو انك فقدت ((كل شيء))

وبقيت هذه الأشياء فستبقى حياتك..
مليئه وثابته..
أما الحصى فيمثل الأشياء المهمه في حياتك :
وظيفتك , بيتك , سيارتك..

وأما الرمل فيمثل بقية الأشياء..

أو لنقول: الأمور البسيطه والهامشيه..
فلو كنت وضعت الرمل في الزجاجه أولاً..
فلن يتبقى مكان للحصى أو لكرات الجولف..
وهذا يسري على حياتك الواقعيه كلها..
فلو صرفت كل وقتك وجهدك على توافه الأمور..
فلن يتبقى مكان للأمور التي تهمك..
لذا فعليك أن تنتبه جيدا وقبل كل شيء للأشياء الضروريه..
لحياتك وأستقرارك..

وأحرص على الأنتباه لعلاقتك بدينك..
وتمسكك بقيمك و مبادئك و أخلاقك..

أمرح مع عائلتك ، والديك ، أخوتك ، وأطفالك..
قدم هديه لشريك حياتك وعبر له عن حبك..
وزر صديقك دائماً وأسأل عنه..

أستقطع بعض الوقت لفحوصاتك الطبيه الدوريه..

وثق دائما بأنه سيكون هناك وقت كافي للأشياء الأخرى ..
ودائماً..
أهتم بكرات الجولف أولاً..
فهي الأشياء التي تستحق حقاً الأهتمام..

حدد أولوياتك..
فالبقيه مجرد >>> رمل..

وحين أنتهى البروفيسور من حديثه..
رفع أحد التلاميذ يده قائلاً:
أنك لم تبين لنا ما تمثله القهوه ؟
((فابتسم)) البروفيسور وقال :
أنا سعيد لأنك سألت..
أضفت القهوه فقط لأوضح لكم..
بأنه مهما كانت حياتك مليئه ..
فسيبقى هناك دائماً مساحه..
لفنجان من القهوه !!

من مشاركه لdr/muslim في منتدى الدي في دي